Vrouetee

Filadelfia Ark se dames was lekker bederf op 29 Julie 2018 met heerlike versnapperinge, lekker warm Milo, geskenkpakkies en warm knie kombersies vir elke dame.  Caroline Bosch, 'n uitstekende country sangeres het ons harte geraak met haar sielsvolle vertolkings van ou bekende liedjies soos "One day at a time", "Why me Lord" en "You raise me up".  Baie van die dames kon assosieer met haar lewensverhaal en baie trane het gevloei.  

Gelukkige nommers en spesiale vragies kon vir 'n gelukkige dame nog 'n verdere prys wen.  Ons is so dankbaar vir al die skenkers wat vir ons die wonderlike pryse asook eetgoedjies gebring het. Ons Vader sien jul hart vol liefde.

Wat 'n wonderlike belewenis! Elkeen het definitief verryk en ontspanne huistoe gegaan.